Yimchalu nung Financial Literacy Camp ka kaogo

Yimchalu (Mokokchung), August 07 (TYO): August 07, 2015 nü Nagaland Rural Bank den Care & Support Society-i NABARD District Office, Mokokchung den yaritepa Mokokchung district kübok Yimchalu nung Financial Literacy Camp ( FLC ) ka ayongzüka kaogo.
Iba sentong nung Mendenbubaji Care and Support Society, Managing Director, Imchawati Kichu liasü aser Yimchalu Village Council Chairman, Imtimar Walling-i pela agizükba o jembi.
Iba sentong nung NABARD APM, Imsunaro-i iba programme nükjidongtem indang jembi aser banking, savings, financial planning, JLG aser credit linked subsidy scheme balala indang lemsatep. Nagaland Rural Bank, Mokokchung Branch Manager, Akhayii Komou-i Nagaland Rural Bank aser APY, PMSBY, PMJJBY, Saving Account and Credit Facilities kübok tajangzük balala indang metetdakja liasü. Iba sentong nung nisung 52 shilem agia denogo.