Covid agi asenok maoksateptsüla

– T. Meren Paul, Kohima.

Joko asen lima nunga tesem tesem  nung tang COVID-19 wara tashidak karh putetba osang angashiogo saka kecha tesungmangtsü mali aser maoksatsüla, yaku m March/April ita nung iba tashidak agi Nagaland adong aser asen lima  ajanga orr tanga taintem nunga yakümsa adong saka asenokbo tangang second wave tatemlen ang adonger, Joko 3rd wave yakta arutsü ta warning lir, Ozü kidanga ni densema onok 4 tashi COVID positive putet aser kabo anogo 16 hospital nung monger aluogo. COVID wara menaba temang nung meshidak(symptom) karh sayutsü. Temang metaba, chi mebangnangba, kecha memenemtetba, tepok aoba, aketba, terok mesakba, nükdongnükra angoba, tango mesashitetba yamala ka mesura ka bosa alitsü saka karh dakbo kecha malir aser parnok jagi tashidakji benlenshir. Symptoms kodang tera danga lider yakata Dr bushiang aser quarantine suang, tashidakji anepa adoktsü. COVID ya mesen (bacteria) masü saka metsüsem nung amongba virus (RNA) anungji anogo 9 tashi nung sua adoker ta ashir. Saka menua meyemshia mesura züzüa doktsüra tepokpok adongtsü aser azü telong kümdaktsütsü (blood clotting) aser tango mesashitet akümtsü, iba jagi oxygen nungkaker. Kanga menura ventilator nungdaker saka ventilator agiaka arena 30% ang kümzüker ta ashir. Saka asenoki symptom tera alidangyongi Dr bushia treatment agirabang anogo 10 nung positive alibaji negative arutsü. Anungji asenok maoksatsüla saka memenutsüla. Alima kenük pezüsulen iba wara dongoko, asenoka ibai mapangi bener aruba wara, saksalema SOP shidak amshira sasü anemtsü, Tsüngremdangi sarasadem nung bendi.