Yimji yimjung yimli

– Supongnungsang, Darogapathar, Dimapur.

Yimji yimjung yimli indang ni January 2017 nung ken Tir Yimyim nung zülutsüogo, saka iba nungji zülu pentettsüri Yimti ta ajenpeta liasü, saka aji sür tangang zülur asünung iba intang sasa bilemba tangang metongshitsür.
Laishiba nungi tamang agi angatetba zülur ashi Theologian masü anungji aibelena angatettsüsa alinunga metongshijangma ta mepishir. Kechiaser Laishiba nung aibelenbo tetsübutsü lir. Yimji yimjung yimli ta kodang südir Tsüngrem nükjidong ka aliba mapang alima sünüpa tsüksüng onsünga peria kümdaktsür aser itangji alima nüpurtemi inyaknüba ajak tetsübu melii yaritepba inyaktener, saka iba nungjibo mangyim jashi timtimbo alima dak apet tena lir, saka Tsüngrem yimli ka lir iba nungibo mangyimba, jashiba, tajepba malitsü kibuba tsüngdang teti tepela agi Kibuba sentsü wangshidakja alitsü.
Isaia 11:1-16 yagi kü den teti jempir saka Tsüngrem metetba, aser tangateter tesa asünung mezüng Lai tekong ajak züluja tongmelang agi asüyonga lemsatepbago. Saka ano temulung masüba agi tanaben zülur. Saka dangbo Lai tekongtemji Laishiba nungi züngang aser tatalokba kar ni zülua lemsatepdi. Tekong ka nungi pezü (1-4) tashi bo zülusemer *1-Yesse tongpen nungi labi ka atoktsü aser pa tera nungi kongsang kati tejang atangtsü. *2-aser pa madak Kibuba tanüla shisatsü aser tangatetba akaba tanüla, teshisadangba aser tashi akaba tanüla aser temetetba tanüla aser Kibuba tsüpuba alitsü. *3-Kibuba tsübuba nung pa pelaba alitsü. Pa tenük agi anguba nung pai o mepentangtsü aser pa tenarong agi angashiba nung pai melemtettsü. *4 Saka ochi agi pai sensaker o pentangtsü aser linük nung ajemalur asoshi timi lemtettsü. Saka pa pang ajok agi pai alima dak azüktsü. Isaia 9:6- Asenok nem tanur ka soja lir asenok nem jabaso ka agüja lir aser yimsüsüba pa tapubang nung alitsü etc. item tekong ya Kotak atema tang masü saka pa sür külen nungi alima nung yimji yimjung yimli tenzüktsü shinba ama angateter. Kechaser 586 BC nung Kibuba Tsüngremi Obadia ten jempiba yamai angutsü Obadia *t.4-Nai mongzü ama talangi tuaka ni yang nungjagi na anir alutsü. Iba o ya asükümer dang ashiba o lir ta angateter. Iba shin o ataloka sayubaji 20th July 1969 nung America sentong nung Armstrong Mission Commander, Buzz Altrin Pilot ta sür Space Flight Apollo-II, ita limai tutet, saka tanübo Mars-ia tudagi. Saka Tsüngremi meimchir atema alima tang renemtsü ashi, anüng temalen alibatemji Tsüngrem tashi ain aser sentsüwangshi atema dang lir, saka pa shin o bo atalokogo. Isaia 11:6-9 tashi nung shia aliba o *t.6- Kü temeshi tenem ajak nung parnoki kecha mashitsü mesüra mesamadaktsütsü kechiyong tzü agi tzüyim nempanga ali ama Kibuba metetba shisatsü agi alijak asüngtsü. Mathi 28:18,19 Yisui arua parnok ten jempia ashi Kotak nung aser alima nung tashi-ain ajak kü nem agütsüogo *t.19- Anungji nenoki oang aser kin ajak nütsüng kümdakjang tebu, techir aser temeshi tanüla tenüng nung parnok Baptijang. Yamaji nütsüngtemi kintem dangi osang tajung prokshi dang parnokbo ajak rishikangshia tepset, saka parnok tsüngsü nung alima nung yimji yimjung yimli ya atok. Iyongjiang Dr. Clark-a osang tajung sangdongtsü mulungteta Boston America nungi 20th Oct 1868 nung anüdokleni apusua rong nung arua 1869 Sibsagar Assam atong. Aser 1872 nungi Naga lima nung yimji yimjung atokdaktsü. Yamaji pa tapupang nung yimsüsüba aliba agi Khrista dak amanger-a mamanger-a ajak kin ka adianu ama yaritepba nung tawa India nunger Rocket nung kin asem pezü meyong Satellite 104 pener Space-i atuba ngugo. Mapa aser rongsen aser chiyongtsü nung yaritepba aliba ajanga yimji yimjung yimli jangjatsür. Saka pa bang ajok agi alima dak azüktsü ta Isaia 11:4 nung shia alibaji akidanga alima aika nung ataloker alitsü, saka tanü asen anasa atalokbatem 23rd January 1999 Graham Stuart Stainer aser jabasotem mi agi samatsüba mangyang Odisha tsüngsak, tzü yipru aser mi yipru tulu liasu. Morarji Desai Govt. Khristan anema Parliament nung Bill benoka yuli 4ht Nov 1977 nung Chopper nungi tsük aser par yimli lao. Pramod Mahajan MP mapang pai Khristan anema Bill parliament nung benoka yutsür meyipa Mumbai-i alunü tenu Pravin-i 22nd April 2006 nung pa kaset. Nepal nung Pastor ka rishikangshia südaktsür külen 25th April 2015 nung menoknok agi nisung 9000 shi asüba den samaba aika mangu rishikangshi tulu atalok. Tsüngrem taochi agi alima sünga prokshiaka temulung merangba kintembo pa bang ajok agi mezükiang malir.
Joko taochi süitemba angatetdaktsüba lai Mathi 24:6-14 tashi *t.5- Nenoki raraba otsü, rara atoktsüba osangtem angashitsü, nenok maoksatsü kümdangang, kechiaser itemi ataloktsüla. *t.7- Kechaser kini kin anema, yimli-i yimli anema apusutsü aser tesem tesem nung ayawara aser menoknok alitsü. Ibai yimjiyimjung yimli süitemer, joko timtim tekangshi tulu ajurutsü anasa Mathi 24: 15-28 nung angutsü. Mathi 24: 29-31 Khrista aruba mapang sayur saka item timtim tekangshi anogotem temli, anü manga adoktsü, itai pei tesangwa magütsütsü, anüng tashitem anokshitsü *t.30- Idangji alima kin ajaki teko nung tsünga ajeptsü, parnoki nisung chir anüng mepet nung ain aser sentsüwangshi tulu nung aruba angutsü. San chanu ki ayimba jungkai adokba 19:5-8 nung temenungratsüka aser jangratemtsü lir.
1. Samuel 8:1-9 Par jabasotemi pa lenmang nung mejaja saka rongsen leni meyip aser ochi o mebendang saka sübokrem agi. Anungji Isreal kini tamang mekai küma tangar kin ama o bendangtsü Chuba ka meshi. Anungji Tsüngremi Samuel dang parnoki na magizük masü, ni magizük. Anungji parnok dang Chuba mapatong retreta sayuang.
Alima Chubatem dak nübortem metaloker aliba agi Chubatem, kiburtem ta metetshi majung, saka Tsüngrem yimli nung aser alima yimli ajak nung Tsüngremji Chubatiba, aser kibur ta angateter aser amanger.
2. Tsüngrem shisatsü aser Pa ain mapa ya tesüngmangtsü anungji nisungi atentena tsübutsü tim, saka pai temeim agi asenok bushir aser ajar.
3. Tsüngrem külemba ki tetezü Kotak yimli tetezü saka nisungi mangateti tenla ki menentsür. Anungji Yisui kanga ain adok Yohan 2: 14-16 Pai tenla kidang nashi, San, Guduru ayokertem aser sen melenertem mena angu aser pai tareptsü lisü yanglu aser san o nashi den shiruru ajak tenla ki nungi aridok aser pai sen melenertem sen tokdoktsü aser parnok langpang meküpdoktsü. Aser Guduru ayokertem dang pai ashi, “itemi yang nungi bener oang.Kübu ki shishi dak tekümdaktsü.” Tsüngrem tenzükba nung nisunger mapa inyakra pai azüktsü. Anungji pei mulung bushiteta ajemalua alitsü koda jangratemtsü.
Tebu temeim, techir taochi temeshi tanüla leniba tenüng nung amangba purtem ajak dangi Yisu temeim salem metetdaktsür.