Yimjunger Union-i metetdaktsür

Dimapur, Rongjui/September 23 (TYO): Yimchunger Union Kohima-i sangdong ka ajanga, Kohima aser iba jila temeket nung alirtem shirnokisa Yimjunger nungertem education aser training balala agütsütsü tenangzükba nung kidang teyariteper ama yua ali, parnok ajak tenüng Yimchunger Union Kohima (YUK) den züngoksemtsü asoshi metetdaktsüogo. Ajiasünungdang tarutsü nung timtem madoktsü.
Kidang alir kar danga tenüng züngoksema aliba ki kibur toktsür orr lira kiburtem dang Union nem osang agütsütsü asoshi kasa sangdong ajanga mepeshia metetdaktsüogo. Iba tetuyuba sülen manidaktetra tarutsü nung YUK-i kecha khuret mabentsü. Osang tejangjaba agitsü atema YUK tir den item phone number; 8119016298/9862319940/9856243993 ajanga tongteprateptsü, ta YUK tir John Tochimong aser Press & Information Secretary Kezhangulie Yimchunger nati sangdong ka ajanga metetdaktsüogo.