Yimobilem zülurtemi linük tensa asoshi bilemtsür

New Delhi, November 02 (Agencies): Hombar nü osangkakettem nung yimobilem zülurtem tentet tulubai tang linük nung akhümtsübutep aser taremzüktep maliba tensa tamajungba akümba atema tebilemtsü kaa sorkar dang tamangba lokti balala tsüngda yimjung aser telongjem alitsü asoshi inyakdaktsüner, ta mepishiogo.
Deobar nü All India Newspaper Editors’ Conference (AINEC) Tir, Vishwa Bandhu Gupta lenisüba nung General body senden amendang, linük nung osangbenertem anema inyakba tatalokbatem jenti akümba tebilemtsü onüka süoka jembiogo, iba den külemi Centre aser state sorkartemi aibelenertem nem temerenshi tulu agütsütsüla, ta takhangba agütsü.
AINEC-isa, press aser democracy atema osangbenertem pei mapa sadema inyaktettsü asoshi parnok kümzüka alitsü aser security alitsüji kanga tongtibang, ta ashi.
Tang tensa nung linük nung mepetmesü tensa tamajungba akümba ya tebilemtsü tulu ka lir, ta senden nung bangzünga ayu.
Tir, Pranab Mukherjee-i nüburtem dang ‘lokti temeyoktep aika aliba India wazüka ayutsüla’ ta ayongzükba o atema AINEC-i kanga temulung achir ta parnokisa metetdaktsü.
Tesüiba hopta asem tsüngda Tir Mukherjee-i sentong balala aika nung nübur temeyoktep balala aika aliba linük, India wazüka ayutsü aser longjema alitsü indang jembia arur.