Yimsü Agi Meseper Mejang, Mesoshir, Mesa-A-Ker

— Imdang Ozukum E.Er.BSNL.

Otsu tatsüka, Washington nung American nunger (Pierre M.Irving.) Irving ta sür otsü zülur kati 1819 nung RIP Van Winkle otsü züluba nungji yamai ashi. Kodang Irving Birmingham, England alidang Otsü kaket bendenba nung iba otsü kaket ya inoka zülu. Otsü yimyaji Dutch American yimtsüng nung alir amai zülu.
RIP Van Winkle ya yimer aser tanur ajaki sapuba nisung. Künu anogo (One autumn day), aseni ashitsü agi Asükwa atongtsülia. Par azü anir tenemtsüng len jagi aodang nisung kati pa tenüng teta RIP Van Winkle dang yariang ta ashi. Aser iba nisungji pa ama Dutch nunger sübotsü sobur liasü, Pai pa yarir ta asüdang parnok ajak longki kati luatok. Aser pai alima tasen ka angur amai Dutch nungertem sübotsu sübor ola tapu tapu adoka tsüngsangtepa Dutch nunger yi jemtepa ajuru, aser Rip Van Winkle-i parnok (Holland Dutch) nunger yiji ajemtsü tenzük, aser pa yakta dang mesep aser mejanga oatok. Saka pa yakta aoksaa sak ta pai bilem, saka pa kanga melenshir pai abenba süoshi, korang tsüngsem, tejak meyipangba ajak shibo agi chimar, kou, aser bangsemo talanglang temesüng kümer, pai anir aoba azü samadoker, pai temulung nung dang pa sa-a ta bilem, saka pai pa repranger pa memesük ta bilem. Tetsüng tesa, Pa yimdaki aodang, shingaia pa majitet. Pa arudang tebutsü süadoker liasü, sasar pai pasasa ni Rip Van Winkle ta metetdaktsü. Pa arudang nüpurtem election agia liasü, Rip? Koda vote agütsütsü pai kodanga vote magütsüdang. Pai ashi, ni King George III mapang nung tamang katetba nütsüng ka liasü, ta pa sasa sangoktsü, pa küm 20 mejangdang alima onsara melenshiatoker liasü, tantsür kati pa ya Rip, ta ajitet. Pa anir oa yi jemdaktsüsangji ghosts ka Hendrick (Henry Hudson) liasü. Rip-i iba nisung mungudang. Akhidang samadokba nisung. Koda sür item-i pa tenüng metet ta pai bilem saka pai masüngdang/Odang anidak/Pa küm 20 jaka ka nung dang mejang,/ Pai pilem pa yakta sak/ tebutsü suür mapang talangka ta angashia pa kanga jashi/Pa tejak tepang süoshi ajak kanga mejungi melenshir/ kijung lanu asüdang pa aremi oatok/ pai memetetba mongudangba nisungi pa tenüng teta aja saka, odang anidak/ na shiba ta masüngdang?
(1) Sübotsü tajung tashika dang na nisunger aliba yimya masü arem shiruru ama kümer tanülaji arem nung nemzütsü ao asü? Nai memetetba nisung ama sürnung na meteta alisang (Satan)Na kongi anir aoer? Memeteti anidakdar asü? Ghosts of Hendrick (Henry Hudson’s)Holland nunger mejemtsü ama, satani agütsüba temenen mopung jemzüka yoker küm 20 buba mesüra 30 buba mejanga ali asü? Arung sakdi.
(2) Tashi akadang atura süitema doker, nüburtemi na majiteter. Na Rip kümogo masü na??? Saka na taküm lir. Küm kwika mejangtsü? Assamese aser Nagamese-i ashi ama, Homoi kodem hoisi? Jerusalem jaboloi. Rip bo küm 20 dang mejang saka sak aser nüburi metet pa memejang dang pai electionji memetet liasü. Pa-a vote agütsü. Tangbo Election mapang nung pa saak. Tsüngremer Election Mapang nung asenok tanüla nung mejanga alirtem saker Tsüngrem nem vote agütsütsüji tanü mapang asüngbo Election asen atema marutsü melendong agienra Tsüngremer tajaba süitemtsü.
(3) Rip-i kanga yakta saak ta bilem saka küm 20 mejangadoker liasü. Tang danga menur süaka aoksaa mesama dang yakta saker ta bilema koba jenjang nung ali aji bener tejak teküp sentsüpangtsü melenshiadoker süaka asen kümtetdakba Yisu Khrista nem vote agütsüi odi aramesodi. Küm lir anasü ang alitsü.
(4) Asen den alisang kinungtsü aseni toktsü la asen teyarir ta aseni metet. Yisui ashi Ni oer nenok dangi teyarir ka, Tanüla temeshi yoktsü. Meimchir nem tanüla temeshiji teyarir ajak atema yoka lir. Asenok mejang dang asen nem teyarir agütsüba tanüla temeshi aseni memeteti südaktsü ibai Koda tesasatsü ka asütsü. Shidakba asen teyarir asen dangi jati pai asenok yaritsü yongyar.
(5) Asen koleni aoer, shibai asen anishidaktsür, metettsüla, aser tang nungi masü tashi mita atatsü mapangji tang. Küm talangka mejangogo. 1977 küm ken sak, küm ishika nokdak dang mejanga oadoker. Nokinketer Kibubai jar omar nokinketer. Tang ya akhi Ariju nung Nokinketer-i amoa maoba ama ishika tanüla nok o nü bener memejangi mejanga alir maneni melakmekümi aru-a mesoshir, shir-i iba ola angashir aser saker, pa temoatsüba. Aramesoba rongnung adentsü nokdakdi.
(6) Noah-i küm 120 rong yangludang alima samatsü maneni sayutsüngi, Rong yanglurtema dena sama lokti yanglurtem/ Arogo yanglurtem/ yimten yanglurtem/ Alima yanglurtem/ Aseni ajak yanglu. Asen tanüla samara kechi tajangzük? Kija dangi kiyir benjung, nung kiyir sü mabenba mesüra shisamaka tasüngtet aiür pungu ama asenok masütsü teti saksalema amangdi.!!! Tajung leni tangatetba nung azünger ajak Teyanglur Tsüngremi moajangma Amen.