Yimsüsüba otsü nung shilem agitetba atema pelar:Morgan Freeman

Los Angeles, June 25, 2016 : Actor tejen aser American political drama TV series “Madam Secretary” nung executive produce asüsang Morgan Freeman-i, “Madam Secretary otsü ajanga nüburtemi alima nung aginüba sorkar inyakyim tajung sayur,” ta ashi.
“Madam Secretary” ya yimsüsüba drama ka lir—iba otsü ya Barbara Hall-i yanglu aser Lori McCreary o Freeman na executive producer tem lir. Iba otsü ya India nunga AXN channel nung reprangtettsü.
Tanga yimsüsüba film otsütem dang nungi “Madam Secretary” otsü komaser balaka ta asüngdangdang Freeman, “Iba film otsü ya tagizüktettsü otsü lir,” ta langzü.
“Iba film nung asenoki aginüba sorkar angutsü. Film nung Tir shilem agisangi alima nung agizüktetsa temelenshi bener arutettsü ta bilema inyaker. Tir jagi tajung inyakner aser ibaji takok angutsü atema pai tangatet Secretary of State ka aginer,” ta Freeman-i IANS dang ashi.
Film nung Tea Leoni-i Elizabeth McCord amai shilem agia lir aser la ya United States Secretary of State tasen shimli ama shilem agia lir.
Nüburtemi yimsüsüba otsü kanga sapur anungji iba otsü yagi nisung kanga atsütsü, ta Hall-i ashi.