Yimti tulu nung osangtajung tenyaba teinyaktsü

(Iba ocet ya Dimapur Ao Baptist Arogoi adokba Tongtepratep July – December 2018 adok nung adokba lepshia adoktsür).

OKILA :
Tenyar Pauli ashi, “Kodang ni tanur liasü, tanur ama ni bilem, tanur ama ni jembi, tanur ama ni shisadang. Tangbo tain aküm nung ni tanur yimsü endokogo” (1 Korint 13:11). Paul tangatetba jenjang ka nungi jenjang ka melenshia aienba kuli agütsür, Iba küsaji nisung ka taküm nung, kin ka libaliro, aser arogo ka tamang aser mapa nung melenshia tejakleni meraa aoer. Alima maparen ajak kara-karaa melenshia aoer, aser aji asen narongi angashiba dang masü, asen nüki anguba dang masü, saka itemji asen atepi aser ki taktang telongi aiter. Iba ajanga tajangzüka lir aser teraksatsüba lenmang aisü nung adoktsüba lendong nung lir.
Iba ama Lai tesayuba tamang nung ajemdaker arogo ka, la tajaba wadang nunga, tangatetba tajung agi putu tensa, tesem (countries, regions, cities, language, customs, culture), aser nisung nüngdak adokba balala yari mapang shitak nung, nisung shitak nem, nüngdak shitakji agütsütsula. Ibai tanü tenyaba wadang nung tenongloktsüba lir.
Tanü Khristai tenyaba mapaji (Mission of Christ) koba arogo nem nongloktsüba mapa rangpen agüja aliba ama inyaka arur. Tatishitsü agi ABAM aser Ao Arogotemi Khrista tekümtet osangtajung memetetba kin, oshi, sobaliba balala tangi osangtajung bener oa arogo tenzüka, mungdangtem, schooltem tenzüka aser mission dak sentakba maparen agia inyak arudar. Ano tanü putu nüngdak den apet mission aser ministry mapa inyaktsü kanga tenüngdaktsü atoker. Anungji mission wadang teinyaktsü tasen mapang aser tesem yari adoker, iba teinyaktsü tasen adoka inyakyim tasen nung ranglokbaji paradigm shift-ji lir (paradigm shift in mission). Tanü item nüngdak apiteta ABAM Metro mission tenzüktsü ta 2017 ABAM Küm Tatem Mungdang (November 2017) Impur nung pangzüng ka nung renemogo.
1. ASEN ATEP ATENA OA TENYABA MAPA TEINYAKTSÜ LUSHI BALALA
Metro Cities Mission lapok-a aotsü nüngdakba item kholi ana indang terasa tatsü agi yamai:
1. KINTEM DANGI OSANG TAJUNG ABENTSÜ.
2. METRO CITIES ASEN AORTEMI NAGA NUNGERTEM TANELA NUNG MESUTSÜ.

1. KINTEM DANGI OSANGTAJUNG ABENTSÜ
Alima rangpen ya mission lushi ka lir, item rongnung India lima ka lir. Tanü India nung nütsüng yongsük 1.35 billion-2018 lir.. India nung nisung 1/3 nütsüng yongsük ana osangtajung agi metongi lir. Nisung pungu (5) rongnung nisung pezü (4)-i parnok taküm nung Khristan ka tanga majuru aser osangtajung mangashii lir. India lima nung nisung 400 millioni Yisu tenüng kenyongi mangashiba lir aser osangtajung mangashibatem lir.
Delhi yimtiba asoshi tenyaba wadang asenoki reprangra. Yamai ashitsü tetemsü. “Alu jenti mena lir, saka nübu ishika dang” – Luk 10:2.
India yimtiba Delhi aser temeküt National Capital Region (NCR) nung yimtitem ajak ya Mission lushitem lir. Delhi den artsüa aliba lushi Haryana, Uttar Pradesh, aser Rajasthan statetem nung yimtitem- Ghaziabad, Faridabad, Gurgaon, Rohtak, Bahadurgarh, Sonipat, Noida & Meerut.

Tanü New Delhi nung yimsü balala telemsa yamai lir.
1. Hinduism-79.8%; 2. Islam-12.9%; 3. Sikhism-5% 4. Jainism-1.1 %; 5. Others-1.2%. (Others nung Christians-(0.9%) aser Baha’s (0.1 %) tena lir). 2018 Delhi nung nutsüng yongsük ajak agi 19,483,678 (1.94 Crore) lir. (Sources:indiaonünepages.com – India Guide). Delhi yimti nung 2025 küm atongtangbo nütsüng yongsuk 300,00,000 Cr. (30 million) junga akümtsü ta UN osangtong ajanga ashir.

2. METRO CITIES NUNG ASEN AOR ASER NAGA NUNGER TANELA NUNG MESÜTSÜ NÜNGDAKBA
Delhi yimti ya mission lushitem tulu rongnung ka asen jaktang lir, yamaji asen atep atena or aliba Metro yimtitem nung mission wadang teinyaktsü rongtak tulu koba adoka lir, iba wadangji kija tamanger aser arogotem khuret lir. Tanü Metro yimtitem nung tenyaba mapa (mission) inyaktsü asoshi arogotem ajar.
Delhi yimti nung North East India State balala nungi nütsüng 5-6 lakhs arua lidar. Itemji- tazüngertem, mapa inyakertem- Kija aser Kibongtem arua alirtem lir. Item rongnung asen Naga nunger aser Aotsür Aor aika lir.

1) Metro yimtitem nung asen Aor aser Naga nunger arua alirtem:
Tanü asenoki reprangdangra, alima karaa ainba ajanga, talang nung aliba alima tesem tem to-a ana amai dang kümogo. Joko, küm 20-30 shi tejaklen nungi asen nüburtem jenti pei yimtsüng mesüra jila toktsür Metro Cities- Delhi, Kolkata, Mumbai, Chennai, Bangaluru aser tanga yimti balala aikati item nüngtaktem bushitsü atema oa alir:
Shisaluyim tajung nung shisatsü bushitsü (Education), Shisalemba (Business), Taneptsü bushi (Medical Treatment), Pokyimba/Mapa bushi a obs/Employment) aser Alima penzütsü (Tourism) ano aika (a.a).
Reprangdangra, item Metro Cities nung, asen neburtemi pei nükjitongji bener jentipur arua angur, saka Metro Cities nung mengujemba timtem khuret tapu aika ajurur aser parnok tanela nunga rusepdaki. Parnoki ajuruba timtem khurettem and tanela nung yariteptetsü khulitem kar yamai lemsateper:
2) Delhi & National Capital Region (NCR) nung asen Aor Aotsür aliba:
i) Regular Students: 300 tema lir;
ii) Coaching aser training balala agir: 100 tema;
iii) Lanur mapa balala nung inyaker: 270 tema;
iv) Aor kibongtem 63 aser anukapang kibongtem 54 lir.
Item nubortem shisatsü kong nungi mesüra koma angur? Tanela chiyongtsü kong nungi angur aser parnok tanela koba jenjang nung alir? Item tasüngtangba langzütsü temela masü, aser iba asoshi teinyaktsü wadang tuluji lir.

II. METRO CITIES NUNG ALIRTEMI TIMTEM AJURUBA KAR
Tanü Delhi ama nung azünger süaka, mapa inyaker lanurtem süaka, parnoki ajuruba aser ajanga aoba timtem aika lir, item rongnung tongtibang kar lemsateper:
* Tanela nüngdaktem agi anünga lir (spiritual concerns)
* Tanela tekümtet leni anitsü asoshi counsellor aser tesayur aika nüngdaker.
* Parnok tanela nüngtak, shisatsü asoshi telok külem tekülem asoshi arogo aser tekülemdak ki nüngdaker.
* Parnok tanela nung aintsüsa tekülem aser sarasadem mapang mekatetba taküm aika lir, anungji teyarir tajung nüngdaker.
* Parnok tim Lai tesayuba tajung aser tejangja tesayuba kimong Biblical theological foundation) maka anungji aji nüngdaker.
* Parnok asoshi Arogo aser telok sarasadem telok tentet ‘tajung nung shilem agia tanela nung tashi eita alitsü nüngdaker.
2. Tekolok aser mulungsentsü (Mental aser emotional problem) timtem nung aliba yaritsü nüngdaker
* Nisung karbo tangari memetetba aser meshitetba khuret agi timtema rongjenseta alirtem lir. Karbo pei ki aser pei nübur menüngra alir, aser karbo metemer den tesendaktep raksar (relationship failures) rongjena [ashitsüseta alirtem aliba meteta yaritsüla.
* Tanü Information Technologies (IT) kanga renloka aoer aser iba tashi agi arakmoker asen lokti aser nübortem aika jajadar (network, websites- Social media) aser item nung temulung agüja mapangtem entoker aser mapa teinyaktsü tim aliba tem aliba taküm aika kümogo. IT Gadget ajanga raksatsüba timtem.
3. Rongsen peria maka timtem ajuruba aika lir (Economic problem)
* Mapa teti atema maka (Job insecurity), sen taruba ajema akümer, aser talitak ki rent jenjang tasak ajurua timatemer.
* Temaba jenjang tashi züngloka atutsü teyari rongsen peria mangur.
4. Pei kin sobaliba balala den alidang timtim aika ajurur (socio- political problem)
* Asen sorupangru aser libaliru, achi ajemba balaka asüba ajanga tanga kintemi mezüngmeshia, anoa repranger aser kin balaka ta bensaa amshiba ajanga (racial discrimination-on basis of appearance, culture, food habits) timtim ajurur.
* Tangar os hi junga mashiba timtim (language problem) ajanga timtim ajurur.
* Pangdaklenirtemi (law enforcing bodies) tim teinyaktsü mapang shitak, nung mapa shirak meinyaktsüba timtim.
* Aier ka asangwar ka külemi ki ka nung alitsü (live in) ria kati bener aruba ajanga timtim ajuruba.
* Office balala aser telok balala nung nisung ka kin aser sobaliba balala asüba agi mezüngmeshla amshiba timtim (racial discrimination) .
* Tenting mezüngmeshia jashir (chinky, bahador, tachu, kanja, ere).
* Tetsür chanutem mapa balala asoshi shibelen mapa inyaker ket nung timtim ajuruba aika lir (human traffic, abuse, rape, exploitation).
5. Temang nung timtim ajuruba (Psychological & Physical problem)
* Shisabulu ajurutang mapang shitak nung tim teyari manguba ajanga yi aser mozü amshia taküm timtim tali akümba timtim.
* Temang anepalu junga asütsüsa govt. hospital-tem liaka idakjia oa yaritsü temela masü, private hospital nung sen jenjang tulu asüba agi anepalutsü makoker asertimtim tulu ajurur.
* Mapa inyakba mapang (timing) shitak masüba ajanga chiyongtsü mapang nung chia machimba timtim.

III. METRO CITIES NUNG TENYABA MAPA INYAKTETISU LENMANGTEM:
Metro Cities nung, talisa asen AoriNaga nunger aika alidak yimti ka nung, Tenyaba mapa item tapu aika nung inyaktet:
1. Aor/Naga nunger/North-Eastemer asoshi mapatongtem balala:
Temalen agüja aliba asen Aor (Naga nungeriNorth- Eastemer) Metro Cities nung alir/jajar tem asoshi item mapa ya inyaktet:
a) MEDICAL HELPLINE: Delhi yimtü hospital tajung bushia shiranger tashitak tapu balala tulu bener arur asoshi Medical Helpline lapoka yarireptsü nüngtak tulu lir.
b) HOSTEL MINISTRY: Students, coachiogagtrrem, training balala mapang tatsüka asoshi arurtem atema multi-purpose center (Human resource centrelHostel ama) lapoker tanürtem tanela nung mesütsü.
c) GUEST HOUSE: Metro Cities nung alima penzürtem, shishilembar senzürtem aser shirangertem asoshi Guest House lapoka yariteptsü.
d) MINISTRY TO YOUNG LEADERS: ‘Iarutsü Aor, Naga nunger lenir tajung aroktsü asoshi sendong tajung yanglua yaritsüla.
e) DISCIPLESHIP MAKING MINISTRY: Arogoi lanur kaji Khristan principle nung nütsüngtajung kaka klima kong litir, kechi inyaktir ajak nung Khristan tajung ka ama taküm aser mapa agi küli agüja Litetetsüsa nütsüng tajung yanglua yoktsü.
2. Tanga Kintem dangi Osangtajung abentsü:
Metro Cities nung alimapur dang Khrista Osangtajung abentsü atema item wadang ya lapoka tenzüktsü akok:
i) Campus Ministry – U niversity/Institutiontem nung Campus Ministry tenzüka tanela bendenba mapa inyaktsü,
ii) Music Ministry – Music Tuition/coaching centers/Institution lapoka music sayuba den külemi
iv) Slum Ministry – Metro Cities nung slum nung alir jenti lir. Pamok dangi osang tajungji bener otet.

IV. METRO CITIES MISSIONSA]ANGA RONGSEN-KÜTSUNG REN NUNG TAJANGZÜK:
Metro Cities nung tenyaba mapa wadang lapoka inyakba den külemi, rongsen-kürsung ren asoshi, mapadong asameyanga rongsen bententsü atema lemang sadem-sadema lir. Koba ajanga, klim ishika tsüngta nung, mapatong shidak inyaktetra, tanela bendenba den külemi, item Metro Cities wadangtem nung tanela bushiren nung amshitsü atema rongsenren nunga tajangzük angutsü. Maparen teinyaktsü anguba kar yamai:
1. School/Educational Institution Ministry: Metro cities nung nursery nungi tenzüker school/College jenti liaka, item schooll college seats agi kanga anünger, anungji sokar nungi temalaba tim agi item institution-tem lapok nungbo küm ishi ka tsüngta nung süngjang tajung atangtsü;
2. Training and Research Centres: Discipleship training/ministrymapa inyaktsü atema; regular educational institutions lapoktsü- short-term trainings, certificate course/diploma aser Research inyaktsü.
3. Multi-purpose Community Centre: Metro-Cities nung multi- purpose Community Centre/Hall/ Auditorium ka süa ayu nung küm piyong rent nung agütsütettsü.
4. FM Radio BandITV Channel: Metro Cities nung FM Radio Band/TV Channel show ajanga mission inyakrsü akok.
Tanü kija tamangertem aser Arogotemi pei atep nungi apusoa oer Indianung Metro cities mission wadang aser ministry mapa aika inyaktsü mapangi tanü bener arutsür, item nüngtaktem kija, kibongrem, telok balala, yimtsüng, Ao arogotemi aser ABAM-i shilem agia inyaktsü ayongzüker.