Yimtitem terenlok atema sorkari ano senotsü 333% lemzüktsür

New Delhi, September 02 (Agencies): Sorkari yimtitem nung terenlok atema sen lakh crore 1.13 lemzüktsüogo, aser ibaji taoba sorkar UPA-i küm 10 yimsüsüba kübok crore 33,902 lemzüktsüba dang nungi shilem 333% tali asütsü, ta Union Urban development Minister, M Venkaiah Naidu-i tanü metetdaktsü.
Paisa, 2004-14 kümtem atema sorkari yimtitem nung sensakertem atema ki lakh 13.7 yanglutsütsü asoshi inyak, ajisüaka sorkar tasenbai tesüiba küm ka kija nung ki lakh 9 yanglutsü atema agizükogo, ta ashi.
Urban missions tasenba kübok sen lakh crore 18 shi intoktsü, aser tesüiba küm sen lakh crore 1.8 intoktsü atema agizükogo.
Naidu-isa, tang tashi nung Central teyari sen crore 53,747 states aser urban local tentettem nem agütsütsü atema agizükogo, ta ashi.
Ibaji UPA yimsüsüba mapang (küm 10) Centre-i sen ajak agi crore 54,974 agütsüba den kasa shi lir, ta paisa ashi.
Minister-isa, US aser UK densema tang tashi nung linük 34-i Centre sorkari benokba ‘Smart Cities’ nung sen intoktsü jangraba temaitsü sayuogo, ta metetdaktsü.