Yimtsüng 245 nung electricity enoktsüogo : Sorkar

New Delhi, February 8 (Agencies): February mezüng hopta nung ‘Deen Dayal Upadhyaya Gram Jyoti Yojna’ inyakyim kübok Union power ministry-i yimtsüng 245 nem electricity enoktsüogo, ta Hombarnü ministry sangdong ka ajanga metetdaktsüogo.
“Item yim 245 rongnung Assam nungi yimtsüng 82, Odisha nungi 77, Jharkhand nungi 69, Chhatisgarh nungi 13 aser Tripura o Madhya Pradesh na nungi anana dena lir. Item yimtsüngtem bendenloka 2015-16 nung yimtsüng ajak agi 5,027 nem electricity enoktsüogo” ta kasa sangdong ajanga ashi.
Sorkari ashiba agi, linük nung tang anünga aliba, electricity maliba yimtsüng 13,452 nema May 1, 2018 tashi nung electricity enoktsütsü.
Anünga aliba yimtsüng 13,425 rongnungia yimtsüng 10,487 nung grid ajanga electricity enoktsü; yimtsüng 1,997 nung off-grid ajanga enoktsü kechiba süra item tesem nung grid amshitsü alimang agi memelar aser yimtsüng 941 nung par state sorkari enoktsütsü,” ta sangdong ajanga ashi.