Yimyim ayimba atema aputsü makok: Gogoi

Guwahati, Feb. 27 (Agencies): JNU Tir, Kanhaiya Kumar apuba aija Assam Chief Minister, Tarun Gogoi-i, yimyim ayimba kija atema nisung ka aputsü makok, ta ashi.
Delhi Police-i Kanhaiya apuba dak sentakba nung osangbenertemi asüngdangba ka langzüdang Gogoi-i, “Kaketshirtemi kodang prangpong amshi (?) Prangpong amshiba mesüra rara nungang apur,” ta ashi.
“Iba ya ni JNU kaketshirtem lungkak aitba metentsürba masü. ULFA aser NDFB pusemertemi yimyim ayimdanga parnok mapur. Iba atemaji dang pusemertem apu asübo, yangji jail ajak sünger lila,” ta Gogoi-i ashi.
“Parnok (Separatist) kodaser anir arutettsü aser yangi yimjung alitsü ta asüba onük nung ang nendaka inyakogo,” ta paisa ashi.
Railway budget 2016 aija Gogoi-i, state sorkari shidi ajanga aiben mepishiaka BJP sorkari Northeast tesem nung railway zone temeja ka magütsütet, ta metetdaktsü.
Railway zone tasen ka ajanga NE tesem nung alir lanurtem jenti mapa ngula, ta paisa shisem.