Yimyim Sangro

– I. Zülu Pongen,
Mongsenbai Ward, Mkg.

Hoi! Naga senso tajungtem angatetang,
aser kümkümshiang, ne tamang,
Asen kishizüng tongogo, asen tsükchir,
Sakang, kümkümshiang, nok atsütetang,
raratsü renemang, tamang jung ametang.
Sarasademang, Tsüngrem dang asüngdangang,
asen tsükchirji kong lir ta, “Mit kardang”
Tasü tait ochi nangri kangang, teko nung merang subotsü semokang,
temerük tsüngsem semokang, mera maibelentsüsa,
Na kümzüktsü asoshi tekümtet merang korang semang.
Ne tsükchiri shiba? koma arutsü?
Nai meimlai züba-züba alidang kinük kelen nungi
shirong ama, shisa tanep bener sangrasangjia, rongsenketsüng bener
ner kibong ajungketsüdi ta, tzüdi yongpang nungi
temoatsü tulu angutsü maongka arutsü, ma ta shidima.
Ano taoksatsüka, tsüngsang majungdang
anüng mepet tanak temelemi anü nembang ama,
Arem shiti telok tulu ka arua kiojen raksatsü ama,
sorkar tashi tulu Tsüngrem anemba sentong bener,
tamang jenjang anokshitsü arur.
Election arudagi, nai shiba aser koba shimtsü?
Party tasen aika, tsüdi yongbang nungi sorkar tashi bener,
ozü party yariang, na temoatsü tulu angutsü ta,
asen lima nungbo kecha tenokdangba malitsü, nashia chiang,
sarasademang, sentepia meranga oang, “saka mapang ka arutsü”
Kodang North East ya BJP agi meyokdir, idangjibo nashi mohol shibangtsü,
sentepi aotsü melen sorkar mapa inyakerbo Deobar nü office-i aotsüsa akümtsü,
2016 nungibo 25 December ya Good Governance anogo kümdaktsüogo.
Ano 2017 April ita nungibo Office sodi sür sungyanglu birthday monga tenzükogo,
Naga MLA temi (BJP) ya menokdangtettsü.
“YA AROKA SHISADANGDI”