Yingli College 24buba Foundation aser Freshers’ Day among

Dimpaur, September 10 (TYO) : September 9, 2016 nü Yingli College 24buba Foundation aser Freshers’ Day sentong na repa among. Iba sentong nung Mr.Zhoi Lohe NCS, Extra Assistant Commissioner tongti tesemdanger süa Prof. Borgohain Hall, Yingli College nung agi, ta iba sentong Convenor aser Asst. Professor, Mr.Thsingvi T Sangtam-i sangdong ka ajanga metetdaktsü.
Mr.Zhoi-i pa taküm nung ajangshiba kar lemsatep aser taküm nung nükjidong yur nendaka inyaktsü kaketshirtem ajungshi.
Iba sentong tenzüka college naklu ken aten aser Bhumnyü Baptist Arogo nung sannüker Tongshau-i temoatsü jazüka sarasadem. Sentong ajak Kr. Among Chishi aser Sp. Kamnyei nati ketdang asü.
Sentong nung Vice Principal & Principal incharge Dr.B.Henshet Phom-ia o jembi aser BA 3rd semester puri ‘look across the nation’ omen nung ajemdaker saya ka sayu.
Iba sentong nung Kr. Lenke C Phom aser Sp. Lungshen nati Princess aser Prince 2016 korang angu.
Joint Secretary, YCSU Mr. Nyaba-i tepela o jembi aser sannüker, Tenhaü Phom-i sarasadema sentong tembang.
Mezüng sentong temer külen sobaliba sentong-a ka agi aser iba sentong Kr. Owshing aser Sp. Nokyingmoba nati ketdang asü. Tanabuba sentong nung Asst. Prof. Dr. M.K. Jha-i o tatsüka jembiba mapang PM. Narendra Modi-i Swacch Bharat Abhiyan mapa metenzüktsü dang nungi Naga nungeribo mapang shia merük meju mapang ayonga inyaka liasü ta Naga nunger tushia ashi.
Pai tesüiba mapang ajangshiba kar nung ajemdaker Nagaland nung aliba kaketshirtem nem tenüngsang agütsü.