Yingli College 26buba Foundation Day mungogo

Dimapur, Rongjui/Sept. 09 (TYO): Rongjui/September 08, 2018 nü Yingli College indang 26buba Foundation Day cum Literary & Cultural sentong takok ngua mungogo.
Iba sentong nung totushi tejaoker ya Association of Phom Graduates & Officers (APGO) General Secretary, Y. Tauhong Phom liasü.
Tsüklai/February 2006 nung Government of Nagaland-i iba college ya magidang nija indang reju ka dang liasü, ta shia Y. Tauhong Phom-i pa iba college nung azüngba anogotem bilemteta jembi.
Paisa iba college nung azünger kaketshirtem dang college nem tenüng tajung bener arutsütsüsa meranga azüngtsü ajungshia liasü. Sentong nung college anthem atenba sülen Associate Pastor, T. Bachem Büchem-i college atema temoatsü meshija aser sentong takok ngua agitettsü atema sarasadem. Iba sülen college principal, K. Hokheto Sumi-i tepela o jembi aser Semester I nungi Chumei B aser P. Chauyong nati temeja ken aten. Iba sentong ya BA Semester V nungi L. Lungshing aser Yangmoiosab nati ketdangsüa agi. Iba sentong nung Hon’ble Minister, Higher & Technical Education indang Personal Assistant tema arua dena liasü.
Sentong tanabuba shilem nung folk dance, quartet aser debate amala nung tetoktepba agia liasü. Sentong tatemlen Phenmei B Phom-i tepela o jembi aser Rose Leang-i tatem küma sarasadem.
Tetoktepba balala nung takok agurtemji, folk dance nung mezüng jenjang ya Semester V aser tanabuba jenjang ya Semester III puri angu. Quartet nung mezüng jenjang ya Semester III aser tanabuba jenjang ya Semester I puri ngua liasü. Debate nung mezüng jenjang ya Chingmei, tanabuba jenjang Lenke aser tasembuba jenjang L. Manpo nungertemi ngua liasü.