Yipru agi kiojen raksatsü

Dimapur, April 09 (TYO) : Taoba hopta piyong Nagaland ajungalen tzünglu arua amongba sülen tanü Deobar nü anüngdang anchiyongmeshi meta 12:00 ako shi nung tzünglu den yipru mopong tuluka arua tesem aika nung kiojen raksaba osang angashir.
Iba yipru mopong agi raksatsüba tesem rongnung Ao lima nunga Molungyimsen, Longchem, Yajang C, Yajang Model aser Lirmen yimtem nung rü tsüka yipru aitdang kiojen kar raktsüba osang angazüker. Longchem nungbo EAC office ki kilem mopongi ponger ogo.
Dimapur nunga kasa mapang nung kasasa yipru mopongi tesem tesem nung kiojen raksatsüogo.