Yipru agi Tripura kongshittsü akok

Agartala, November 06 (Agencies): Deobarnü meteorological department-i, Bay of Bengal nung yipru tesashi kümtetba sülen iba yipru jagi Tripura-a kongshitsü akok, kechiyong taruba anogo ana tsüngda yipru tesashi jagi kidanger linük Bangladesh kongshitsü, ta tekümdangtsü osang ka metetdaktsüogo.
Taoba anogo asem tashi Agartala nung tzünglu sashia aruba den külemi tzünglu nanaba ajanga yimti kongshiogo.
Tripura tesem aika nung tzünglu sashia arudar aser MeT-isa Manipur, Mizoram aser state tem tesem kar nunga tzünglu sashia arutsü, ta metetdaktsüogo.
Agartala den külemi Tripura tesem aika nunga mopung tesashi aontsüa akok, ta Meteorological department-isa metetdaktsü.
Ano tajemba agi anogo anabosa tzünglu maneni arutsü akok, ta parnokisa metetdaktsüogo.