Yisu asenok asoshi temenen aküm

Khrista nung, asenok temeshibaji akümtsü asoshi, shibai temenen memetet Pa asenok asoshi, shibai temenen memetet Pa asenok atema Pai temenen kümdaktsü (2 Kor. 5:21).
Asenok ajak san ama lemang aia ano, asenok nisung shia pei lemangi meyip: aser asen tai menaba ajak Kibubai Pa dak benloktsüogo (Isa. 53:6). Temenen nungi pilaa asenok sür külen temeshiba atema taküm alitsü asoshi Pai pei sasa süngdong nung pei temang nung asen menen aben, aser Pa tazükba zübu agi asenok aneb (1 Peter 2:24). Kechiyong kechi koda nisung kati tashi mangaba ajanga nisung aika temenen pur kümdaktsü, aji oda kati tashi angaba ajanga nisung aika temeshi pur kümdaktsütsü (Rom 5:19).
Saka kodang asen Kümtetdakba Tsüngrem yimlibilem aser meimchir dangi Pa temeim jungkai adok idangji asenoksasa inyakba temeshi mapa agi masü, saka Pa pei yimlibilem amato tanaben asoba agi shitokja Tanela Temeshi-i tasen kümtsüba agi Pai asenok kümzük, aser Yisu Khrista taochi agi asenok metendakja, teti tatem maka taküm teyimla amato senmangertem kümtettsü asoshi, iba Tanela aser Kümtetdakba Yisu Khrista ajanga asenok dak talubosa mekeploktsüogo (Tit. 3:4-7).
Kibubaji asen Temeshiba lir (Yr. 23:6).
Kibuba Yisu, ni temeshi kümdaktsütsü asoshi Nai Ne sasa temenen akümba asoshi Ne tenüng asanger. Amen.