Yisu asoba

Saka asenok ana menenpurtem alidang asenok asoshi Tsüngrem temeim kodaka ali aji sayur. Khrista asenok asoshi asü. – Rom 5:8
Nisung taküm ka alangzüktsü asoshi nisungtemi tebang agi jembiaka mapa agibo taküm magütsütettsü südi. Au, azü tenlar ajak shidak saka pa kümzükang aser ni tepsetang ta meshitettsü südi. Saka bilemdangang adianutem, Yisuibo asen menen asoshi aser asen ara-ashi (diseases) ajak Pa kangki nung aben. Pai asenok alangzüktsü kangki nung reshikangshia südaktsü. Pa dak ai korang semtsü, kojal agi angen, metzü metsüloktsü, sensatsü, ya ajak asenok temenenpur asoshi Pai aben.
“Kechiaser temenenpurtem ajatsü Ni aru” (Matt. 9: 13b) Yisu alimai arubaji menenpur asoshi aru, iba asoshi ali aser iba asoshi asü. Paisa ashir “kechiyong ya zülua lir, nenok temeshi liang kechiaser Ni temeshi lir” (I Peter 1 : 16).
Pa shibai Pa yok, tebu mulung chia lir tatem nung Tebui mulungba ama menenpurtem alangzüktsü Pa asü. Asenoka koda asenjatetsang mulung chia lidar ma ? Koda renemdar ?
Sarasadem : O Oba, Nü sülen Nü tsüngsü nung tatem tashi jajatsü ni yariang.  Amen.