Yisu Khrista aremba tesem tang mezüng jungkai adokogo

New Delhi, October 27 (Agenices): Yisu Khrista sür Pa aremba tesem Archaelogist temi ngutetogo, aser iba ya Khristan yimsü putiotsü nung tongtibang ka asütsü.
Indian Express osangbener den jembidang National Geographic nungi archaeologist, Fredrick Hiebert-i, “Ibaji scientific ajanga bushitsü mapang talangka agitsü, ajisüaka tatem nungbo onoki putiotsü nung Khrista tasümang aremba longji jangjatsü,” ta ashi.
Scientist telok kati ngutetba leperji Khrista aremba leper südi ta bilemer. Iba leperji Yirusalem yimti tejenba nung aliba Holy Sepulchre Church nung lir, aser iba leperji küm 500 dak tema marble agi yangluba lungroi agi nembanga liasü.
Khrista dak amangertemi Yisu Khrista Kangki nung metaba sülen Pa tasümangji satem mesüra aremba yimten ka nung ayu ta amanger. Tang iba tengutetba ajanga scientist temi research agitsü atema maongka angutsü.