Yisu Khrista bendanga agütsüba

~ Imtiwapang Aier, Aoyimti.

Yisu khrista bendanga agütsüba nung ajemdaker Pa asoba mapang nungi pa tepseta endokba tashi pa dak sentakba aser pa mapang Yihuda lima tatalokba kar tena tamasa zülua alibatatsü nung lemsateper.
Yisu khrista asoba mapang Luke 2:1 Yihuda nunger Rome yimsüsüba kübok Augustus Caesar kanga merena aliba mapang (31BC-14 AD). Augustus Caesar ya Julius Caesar-I mesutetba tanür (adopted son of Julius Caesar) pa tenung octavius, saka kodang yimsüsüba medeni atu, pa tenung Augustus Caesar ta melen (by Senators) koba tetezü “The Exalted one” (Tematiba nung tetoshi tamaren). Asenok calendar nung August ita pa tenung nungi aser July ita Julius Caesar tenung nungi, saka Augutus Caesar-I Julius Caesar dang nungi tilaba mesunu nung February ita nungi anogo ka agiteta July ita den sako August ita anogo 31 küma yanglu.
Augustus Caesar-I Jerusalem tesem Herod Antipar chuba yimsüsüba kübok ayu (Mathi 2). Shibai Yisu (infant) tepsetsü bushi. Herod Antipar ya Esau nungi jakzükba aser Yisu Khrista Jacob nungi. Esau aser Jacob na adianu, tena tebu Isaac.
Rome yimsüsüsba kübok saru kanga tesashi (heavy taxation) nisung shia sen aa-aruba nungi (people’s income) 100 shilem nung 30 to 40% saru, ano iba den “toll tax” ta sur saru. Iba saru ya nisung shinga mezütoki saru (every person paid the same amount). Ajaki sembaba saru (the most hated tax). Iba ama tensa, yihuda nunger saru agi tango mesahiteti neneter aliba mapang nujiso bushir (against Romans) Galilee nungi Judas-I anir Rome yimli anema apuso (T.mapa 5:37). Saka Rome sepaitemi ajetrupa azüoker, joko yihuda ajak governor ka nem tashi agütsür Rome yimsüsüba kübok ayu (under the direct Roman rule).
Yisu Khrista tepseta endoktsü bendanga agütsüba mapang ya Pa sayutsüngi teyalong (at the height of His public ministry) aji Ponntius Pilate governor (procurator) 26 AD-36 AD aliba mapang aser Rome Tiberius yimsüsüba mapang (14 AD-37 AD).
Saka bendanga agütsüba yimya ana:
1. Mezüng yimya: Tsüngremi pa temeim, taochi agi asen menen alangzüktsü bendanga agütsü (Divine level)- Yohan 3:16
2. Tanübuba bendanga agütsüba yimya, meimchir temenen mojing mapa (human level). Iba bendanga agütsüba nung nisung asemi tongti shilem agi.
1. Judas Iscariot sen meimba agi (out of greed).
2. Caiphas tenuk mere magi (out of envy).
3. Pontius Pilate tasü mait ajanga (out of cowardice).
Asen naga nungera Nagaland for Christ tenung nung rongsen benbuba jabojari tzüchi nung asonger tanüla araksetogo.
2022 nung rangloker asen aor (pioneer) mapang tajung langzüktsü tang masü no?