Yisu metetba aser memetetba yimya koma ?

~ I.Supong Longkümer,
Darogapathar, Dimapur.

Tongmelang agi kar lemsateper, tamasa Khrista Yisü kümtetdakba tenüngnung züngshiba pur ajak dang salem.
(1) Rom 12:12: Iba lima putu yimya ten sütepba telima, saka nenok temülung asentenshiba agi nenok taküm yimya melenshidakjangma. Anungji kechi tajung tagizüktettsü aser tapensaba Tsüngremi mulungba lir aji nenoki agizüktettsü.
(2) Luke 16:16-17: Yohan Baptitsüba aruba tashi mosa ozüng aser ainketertem kaket kanga tongtipang liasü. Saka Yohani Yisü indang jilia sangdonger külen Yohani Yisu Baptitsü , aji sür külen Tsüngrem yimli osang tajung sayusüngi aser ajiagi nungtepba air lir, saka ozüng tasüto tilatiba ka tsük dang nungi bo anüng aser ali samatsü temelaba. Yisu mapa tajung nung tenük merem tenzüka kangki nung südaktsü. Saka Yisui Tsüngrem tenangzükba atalokja pa senti zü ajanga meimchir menen alangzüker liasü ta amangba pur ajaki angateta pa dak amanger aser iba mapa ajanga tarongba tenla agientsü. Tsüngrem aser meimchir tsüngda teintangba sü mayutsü tamaitsü ana küma shimatsü, Mosa ozüng aser ainketertem kaket melena meimchir shia ket nung Laishiba amoukja lir. I Samuel 15:22 nung yamai angutsü, “Kibuba O tashi angaba nung pelaba teka tarongba aser tetepsetba tenla tenladak Kibubai tepela ali asü ? Ajiang tashi angabaji tetepsetba tenla dang nungi tajungba aser O angabaji san tepong temo dang nungi tajungba”. Hosea 6:6 nung yamai shia lir “kechiyong ni tetepsetba tenla masü temeim takang aginür aser tarongba tenla masü Tsüngrem metetba shisatsü aginür”.
(i) Kari ki mesüra oset meshitettsü atema sarasademer. An, Ak, Azü tepseta azü relokang aser shi chiang ta ajungshiba lira ajibo Yisü senti zü anema.
(ii) Na ya kari jadu amshiba agi shiranger, anungji jadu jaratoktsür bushia intokdakjang ta sarasatemja lira Yisui tasür shia arudaktsüba, nükpoker lapoktsüba, tsüngtsükker jajadaktsüba, yamala Yisu mapa aitsüba lir, kechiaser Yisui tashidak shimteta dang aneptsür aser shia arudaktsür masü.
(iii) Kiküm züngdang mijang tuteta metenzüker tanur nem jemdaktsüba tu Isreal pur kikümdong nung san zü mezüdaktsüba anema liasü.
(iv) Meimchirtemi Tsüngrem anema japujariba ya tejen putu mapang nungi tang tashi tetsür O tetsür na aser tebur 0 tebur na japujarir iba nungi kecha soyapokya mali. Tsüngrem sentongji tetsür tebur agi tang soyapokyataktsütsü renem, anungji atsüapong masübaji Tsüngrem anema. Anungji tasü itta jempitsüba dak alema tetsüputsü kecha mali. Rom 1:24-27.
(v) Meimchirtemi Tsüngremji talibo lirsa ta bilemer, kechiaser anüng nung aser alima nung Tsüngrem mapatem ya tesüngmangtsü lir, saka teka agi kongshia külemnüba agi süngyanglu Tsüngrem aika yanglutepba külemba tamang yimsü aika purateta lir. Kechiaser Isreal nungertemi tzüyim agi ali takong kümdakja jajadaktsüba kisüng agia Tsüngremji mamatoktsüba saka parnoki kwiben Tsüngrem ama, Mosa aser Aroni anir Tsüngremer sayatenya mapa aika agi Isreal nunger anir jaja saka anogo lirnü matalaki Aroni süngyanglu nashi yanglur Isreal nunger japujaridaktsüba asenoki laishiba nungi züngteta kümdangtsü angazüker. Anungji Tsüngremi meimchir mulungjang meteter tamangba yimsü ajak yimten ozüng agi alenpanger azüoktsü meimchir nem yimten tenzüktsü shisatsü agütsü aser iba talenba nung alitang Tsüngrem osang tajung prokloktsür. Osang tajung kechi Pa senti zü agi nüchi kümer kati ka den temeim sayutepba aremzükteper liteptsü metetdaktsü. Pei nüngdak maliba mapangbo asentenshi tulu agia pelateptsü saka nüngdak mapang tajung majung kecha hau ta mali Tsüngrem amadoker jajara tamangji kong ali? Tajung dang tajung, tamajung dang tamajung ta shiteter kong sama? Anema aliba mapang nung tang Tsüngrem O jembitsü asü? Kangki khuret apener kong ali?
Alima putu yimya tajunga alitsü tamajunga alitsü, saka tejen süputsü ajak indoker Yisu Khristai sayuba temeim süputsü agi tai toktepba alitsü koda jangratemtsü. AMEN.