Yisu Tsüngdang Amenba

Saka Martha sorochioktsü mapa jenti agi temulung timtemdaktsü aser lai Pa dangi arua ashi, “Kibuba, künui kü kija mapa inyaktsü toktsür, aji nai meshisadanger ma? Anungji kü dang yariang ta la dang shiang”. (Luke 10:40).
Marthai Yisu kanga meim aser Pa asoshi ajak inyaktsü. Yisu tenzüktsü asoshi Marthai mazüngi mapa inyak aser Pa anasa alitsü aser Pa tajungba metettsü mapang magütsütet. Marthai mapa temerangba inyakli tenu dang mepelaba kümli asü. Marthai Yisu asoshi kidang mapa ajak tipdema inyaktsü merangdang, tenu Maryi Yisu tsüngdang mener pa dang angaa ali. Martha mapa junga, pela tenzük saka raksa aser jashi aser tenük merema atem.
Khristai na atema inyakba tepela aser temeim sayua tenzükbaji junger. Saka kodang ne mapa agi ne mapang aser tashi ajak agir, Yisu asoshi mapang magütsülir, na kanga mazüngi akümer! Nai Marthai bilemba ama bilemtsü akok, nai meinyakra matemtsü. Aji shidak asütsü akok, saka nai mezüngbuba südaktsütsübaji, Pa den tesendaktep shidak ayutsübaji lir ta Yisui sayu. Iba nung jagi tanga mapa kari atsür odaktsüra ibaji Tsüngrem nungi masü. Khrista den tesendaktep ajendangba mapa inyaktsü Tsüngremi ne dang masüngdanger. Tsüngrem tajungtiba metettsüba lemang tajungtibaji tenzükba lir. Mapang kar nung Pa tsüngdang mener Pai ashiba angabaji lir, Pa tsüngdang mener ajem ajema Pai ashiba angabaji tali tongtipangba lir.
Asenok teti Pa tsüngdang mener angatsü maja, aji oda süra mapa nung tamakok alutsü. Mesüra Pa nungi tashi magi-i dang maneni inyaktsü asenok maja. Na Pa den mapang meintoki dang kanga meranga tenzüker asü ?