Yisui iba alima …….

Yisui iba alima nungi Tebu dangi pilatsü mapang aitogo ta metet, alima nung aliba pei meyong meimer, Pai parnok tatem tonga meim (Yn. 13:1).

Ni parnok asoshi mepishir: Ni alima asoshi memepishir; saka Nai shir Kü nem agütsüogo parnok asoshi mepishir: kechiaser parnok Ne meyong lir: aser Kü meyong kechi, aji ajak Ne meyong, aser Ne meyong kechi, aji kü meyong: aser ni parnok dak sentsüwangshir. Nai parnok alima nungi anir oang ta ni memepishir, saka Nai parnok tamajungba nungi sotang ta Ni mepishir. Ni kechi koda alima meyong masü, yamaji parnoka alima meyong masü (Yn. 17:9,10).
Kü Bui kechi koda Ni meim aji oda nenok meim; nenok Kü meim nung liang (Yn. 15:9). Nisungi tembar asoshi pei taküm yutsütsü, iba dangi tuluba shinga temeim mali. Ni nenok dang kechi melar aji nenoki inyakra, nenok Kü tembar (Yn. 15: 13,14). Ozüng tasen ka Ni nenok nung agütsür, oda nenoki medemer o medemer na meimtepang: Ni nenok dang komasa meim, yamaji nenoka medemer o medemer na meimtepang (Yn. 13:34).
Kechiyong shibai nenok dak mapa tajung tenzük pai Yisu Khrista anogo tashi ajisa abensatsütsü ta ni amanger (Fil. 1:6). Khristai arogoji Tsüngrem O nung tzüchigoba agi merükdakja meshitettsütsü asoshi, arogoji pungmen süshia, kangtenba süshia, ibala kecha makai, temeshi aser tai makai litettsü, Pai iba sentsüwangshi arogo nem pei sasa agütsü.
Kibuba, Nai agütsüba ozüng tasen nung ni anogo shia jajatettsü Ne taochi agüjang. Amen.