YMA-i Myanmar tzümetsüng asoshi teyari agütsür

Aizawl, February 24 (Agencies) : Young Mizo Association (YMA) central committee nungi teshimtet telok ka Bodbarnep Myanmar nung tzümetsüng lendong nung takoksa angur yaritsü atema apusoa ogo.
YMA tir Lalbiakzuala-i anir telok jagi Halkha tesem nung tzümetsüng lendong nung oa yaritepsü.
Yaküm Halkha nung tzümetsüng ajanga takoksa tulu bener arutsü aser iba nung kibong 920 nem sen lakh 32 lema agütsütsü, ta YMA otongdar kati metetdaktsü.
Iba lendong nung yariteptsü atema YMA-i Mizoram nung sen crore ka dak tema tena sarutet aser Myanmar nung Mizo nunger timba ser aliba tesem nung takoksa angurtem yarir.
Yaküm YMA-i teyari agütsüba mezüngbuba shilem inyakogo aser iba mapang Myanmar kübok tanga tesemtem nung alir nem teyari balala agüja liasü.

You must be logged in to post a comment Login