Yob ama tenüngsang agütsüdi

Asenokbo Tsüngrem ket nungi tajungdang agizüker tamajungbo magizuktsü asu? Yob 2: 10.
Yob tetemjen, tindang, Tsüngrem tsübuba aser temenen sempaba nisung Tsüngremi tesüngmangtsü ka moatsü. Pa aser par kibong nung yipru mopung tamajung tulu ka ama aru. Temoatsütem sama, chirnurtem asü aser pa temang nung kümo zükbanga adok. Tebutsü shiba pa meimla temulung adokba liasü lai “nü Tsüngrem atakatemang aser süang” ta ashi. Iba mapang nung Yobi “asenokbo Tsüngrem ket nungi tajungdang agizüker tamajungbo magizüktsü asü?” ta langzü.
Yob tangatetba ya asenok ajak asoshi tatishitsü tulu. Peria aser jangratema pela alidang shibai moatsü amatoker alir. Tamajung mapang nungbo Tsüngremia ya tashi inyaker na ta nemnemer. Saka Yob ama tajung nunga tamajung nunga teyanglur Tsüngrem nem tenüngsang agujaa alitsü asen tangatetba lidi. Tajung dang shimteta agir tamajungbo magizüktetsüsa melili.