Yoddha Fighting Championship 2017 nung Imkong Jamir-i takok angu

YFC 2017 finale nung asayar ana raraba noksa nung angur

Dimapur, April 29 (TYO) : Yoddha Fighting Championship (YFC) 2017 Season one finale April 28, 2017 nü IG stadium, Kohima nung tenzükba April 29, 2017 nü tembangogo.
Iba asayamung ya Wise Guy Entertainment-i Department of Youth Resources & Sports den yaritepa ayongba lir aser anogo ananü asayaba Yoddha Fighting Championship nung India tesem balala nungi nisung 54-i shilem agiogo.
Nagaland nungi asayar parnok pezüi final tashi tongtet aser parnok rongnung Imkong Jamir-i takok angu. Pa ya Mokokchung district kübok Kangtsüng nunger lir aser pai featherweight (62 to 66kg) telemsa nung takok ngua liasü.
Tanüngba Naga nunger asayartemji welter weight telemsa nung (71 nungi 77 kg) arishi küm 28 tain, Victor Angami, light telemsa nung (67 nungi 70 kg) arishi küm 23 tain, Amung Konyak aser arishi küm Ketholetuo Nagi, Straw weight telemsa nung (52 kg tekübok) liasü.
Tanü telemsa balala nung final asayatem nung Victor-i Suyash Yadav den, Ketholetuo-i Sunny Khatri den aser Amung-i Rudransh Azad den asayadang tamakok angu.