Yoga agi ajak ka kümdaktsür

New Delhi, June 21 (Agencies) : Yoga aitsü jangrartem nisung meyirjang aika New York Time Square, Paris nung aliba Eiffel Tower jakdang, European Union parliament nung aser Sydney Harbour Bridge tesemtem nung sendena anogo piyong yoga ai. India nungi adokba yoga ajanga tanabuba International Yoga Day (IYD) nü alima rangben ajungmesogo.
Times Square nungbo Summer Solstice (longest day dak sentakba sentong) den külemi amongtsü mechi nung International Yoga Day ya June 21 nü nisung meyirjang aika sendena “Mind over Madness Yoga” omen nung ajemdaker agi.
Time Square nung June 21 nep 5:00 ako nungi aonung 8:30 ako tashi Summer Solstice benjung among. Iba sentong nung yoga studio 30 tashi-i shilem agia liasü.
Bangladesh, Sri Lanka, Pakistan aser Myanmar linüktem den Indian High Commission, Islamabad nunga yoga jangrartemi yoga aidak shilem agiogo.
External Affairs Ministry otongdar Vikas Swarup-i, UAE, Tunisia, Sudan, Iraq, Astana, Bishkek, Kabul aser Mazar-e-Sharif, Afghanistan tesemtem den Angkor Wat temple, Cambodia nung dena yoga nung shilem agiba noksa kar lemsatepogo.
Malaysia, Indonesia, Philippines, Vietnam aser Africa nung talisa South Africa, Tanzania, Kenya aser Zimbabwe linüktem nung IYD kanga sapua mongtepogo, ta pai twitter ajanga metetdaktsü.
Sydney Harbour Bridge nungbo yoga aier kari anepdang anü adokba mapang ‘namastey’ ashiba yimya nung nokdaka liasü aser ibaji tereprangtsü kanga tobur tajung liasü. Australia  nung aliba Hindu Council-i acha ayanga Sydney Harbour Bridge ma nung tan mezüngsüa yoga ai.
European Parliament nung Sri Sri Ravi Shankar tetushi tejaoker süa International Yoga Day pai anir among.
India nungi lanurtemi China semdangda Guilin yimti nung IYD among.
International Day of Yoga ya Jiangsu nung aliba Wuxi Hollywood Studios aser Simatai o Xi’an aser Great Wall tresemtem ajak nung among.
South Korea nunga Busan nung India meyong Navy vessel ka nung yoga anogo mongogo aser ano Morocco, Guyana aser Honduras linüktem nunga IYD amongba osang angashiogo.