Yogeshwar Dutt-i dowry sen 1 agi

New Delhi, January 15: India nunger melangteper Yogeshwar Dutt, shibai 2012 küm London nung Olympic asayadang bronze medal ngua India tenüng ajungkettsü, pai maneni lokti asoshi tateshitsü tajung sayua pa kibongakümba nung dowry sen 1 agi.
Yogi-i iba tatishitsü tajung sayua India tesem ajunga nung million aika molung koktetogo.
Pa Haryana’s Congress politician Jaibhagwan Sharma’er jala Sheetal den January 16 nung kibong akümtsü.
“Ni ozü kibong nung jalatem asoshi dowry bushidang kangshiba nugogo. Ni ina atudang tenangzükba ana liasü; kaji melangtepba nung temabajenjang atongtsü, koba ni ajangtetogo, aser tanabubaji dowry magitsüba. Iba tenagzükba inyaktsü asoshi mapang tongogo,” ta osang benertem dang pai ashi.