Yogeshwar-i Rio Olympics nung shilem agitsü jenjang angur

Astana, March 19 (Agencies): India nunger melangteper, Yogeshwar Dutt-i tang tasayadak Asian Olympic Qualification asayamong nung tebur temang touzük seret 65 taret freestyle final nung shilem agitsü jenjang ngua India asoshi Rio Olympics nung shilem agitsü jenjang tanü, Honibar nü ajangzüktsüogo.
Narsingh Yadav sülen anidaka, Yogeshwar India nunger melangteper rong nung Rio Olympics nung shilem agitsü jenjang ajangzüker melangteper tanabuba akümer lir.
London Olympics bronze medallist, arishi küm 33 tain Yogeshwar-i Russia nunger Adam Batirov den gold medal atema final nung toktepa shilem agitsü.
Qualification round nung points 8-1 agi North Korea nunger Kim Ju-song madak takok anguba, quarterfinal nung points 12-2 agi Vietnam nunger Xuan Dinh Nguyen tsükdaktsüba aser semifinal nung points 7-2 agi Korea nunger Lee Seung-Chul akokba densema, Yogeshwar-i asaya asemprongla nung takok ngua tan final nung shilem agitsü jenjang angu.