Yogeshwar o Narsingh nati World Championships nung shilem agitsü

New Delhi, July 07 (Agencies): London Olympics bronze medallist Yogeshwar Dutt aser Narsingh Yadav nati tendangba sentong nung takok ngua shilem agiba sülen World Wrestling Championships (WWC) nung shilem agitsü jenjang tanü Mongolbar nü ajangzükogo.
Tebur temang touzük seret 65 taret Freestyle shilem indang mezüngbuba round nung bye angusang, Yogeshwar-i tanü tatembangbuba round nung minute 6 nung points 6-3 ngua Amit Kumar Dhankhar madak takok ngua WWC nung shilem agitsü jenjangji ngutet.
Tebur temang touzük seret 74 taret shilem final nunga Narsingh-i tanü points 6-5 ngua Praveen Rana madak takok ngua jenjang tajungji angu.
Amit Kumar-ia points 3-2 ngua Sandeep Tomar madak tebur temang touzük seret 57 taret shilem final nung takok ngua WWC nung shilem agitsü jenjang ajangzüka liasü.
Par asem den külemi, temang touzük seret 86 taret shilem nung Naresh Kumar, seret 97 taret shilem nung Mausam Khatri aser seret 125 taret shilem nung Sumit nungeri WWC nung shilem agitsü jenjang ngutetogo.
2016 Rio Olympics asoshi mezüngbuba qualification asayamong, World Championships ya US kübok Las Vegas nung taküm September ita 7-12 nü tashi asayatsü ayonga lir.