Yogi-i Kailash Mansarovar temeshi aini aoer nem sen lakh 1 agütsütsü

Lucknow, March 25 (Agencies) : Uttar Pradesh Chief Minister, Yogi Adityanath-i Honibarnü Gorakhpur semdangdang Lucknow, Ghaziabad mesüra Noida nung Kailash Mansarovar Bhavan yanglutsü ta metetdaktsü.
Chief Minister-ia Kailash Mansarovar temeshi aini aoer nem sen 50,000 agüja aliba nungi sen lakh 1 agütsütsü ta metetdaktsü.
CM secretariat nung senden ka amendang Kailash Mansarovar-i temeshi aini aoertem ajungmesotsü atema senotsü teyari agütsütsüla ta Yogi-i tebilemba lemsatep.
Taoba Akhilesh Yadav’er sorkari Mansarovar temeshi aini aoer nem sen meyirjang 25 agüja aliba nungi meyirjang 50 ajungkettsü.
UP senso ta kuli agütsüba domicile certificate mesüra passport sayur nem ang iba senotsü teyari agütsür.
Nisung kati yatra nung sen lakh 2.5 shi endoker aser temeshi aini aoer ajakibo iba sen mongutetba ajanga sorkari Uttar Pradesh nungi tekülemer nem subsidy programme ka agütsür aser nisungtemji centre sorkari shimer.
“Kailash Mansarovar semdangnürtem nem onoki sen lakh 1 teyari agütsütsü. Onoki Lucknow, Ghaziabad mesüra Noida nung Kailash Mansarovar Bhavan ka yanglutsü” ta Uttar Pradesh Chief Minister-i tanü ashi.