Yogi sorkari Madrasas atema sen crore 479 agütsü

Lucknow, Tsüklai/February 18 (Agencies): 2020-21 Uttar Pradesh budget, sen crore 5,12,860.72 Mongolbarnü finance minister-i benokogo, koba state kümteter tang tashi nung budget tulutiba asütsü. Iba budget ya Yogi Adityanath-i aniba Bharatiya Janata Party (BJP) sorkar budget pezübuba asütsü aser taoba budget dang nungi sen crore 33,159 agi timba lir. Mongolbarnü benokba budget nung Prime Minister’s Public Development Programme for Minority Welfare atema sen crore 783 aser ‘madrasas’ (Muslim tamangba yimsü sayudak) o ‘maktabs’ (elementary school) atema sen crore 479 agütsüogo.
Taoba küm benokba budget nung lokti nung nütsüng agi ajema aliba lokti nungi kaketshirtem atema scholarship scheme sen crore 942 agütsü aser Arabic-Persian madrasas terenlok asoshi sen crore 459 agüja liasü.
Taküm state sorkari Ayodhya nung raliwalirtem asoshi jenjang temaba nung infrastructure yanglutsü asoshi sen crore 85 agütsüogo. Iba den Tulsi memorial building atema sen crore 10 agütsüogo.
Iba den mesüktepba Varanasi nung cultural centre ka amenoktsü asoshi sen crore 180 aser state nung raliwaliba tsütsü terenlok asoshi sen crore 50 agütsüogo. Budget nungsa Gorakhpur kübok Ramgarh awatsüng nung tzü nung asayaba saisapong ajungkettsü atema sen crore 25 aser Kashi Vishwanath Temple atema sen crore 200 agütsüogo.
Iba dak alia social welfare department kübok old age/farmer pension schemes atema sen crore 1459 den National Old Age Pension Scheme atema sen crore 1251, National Family Benefit Scheme sen crore 500, Chief Minister’s Collective Scheme atema sen crore 250 aser backward class kaketshirtem scholarship scheme atema sen crore 1375 agütsüogo.