Yogi’er sorkari Mulayam & Akhilesh noksatem agiener

Lucknow, March 28 (Agencies) : Uttar Pradesh nung sorkar melentepba sülen sorkar office tem nungi Samajwadi Party lennir Mulayam Singh Yadav aser taoba CM Akhilesh Yadav na indang noksatem agizüka endokogo.
BJP-i aniba state sorkari tetuyuba agütsüba sülen Akhilesh noksa aliba calendar aser publicity material aika jana endokdak nguogo.
Sorkar ketdangsertemi Akhilesh indang noksa aliba stationery aser tanga publicity material tem endokbaji magizüktsür, ta Samajwadi Party city president Raisuddin-i osangbener dang ashi.
UP sorkarisa Akhilesh noksa enoka aliba ration card crore 4 meyipa agitsü tetuyuba agütsüogo.
Akhilesh sorkari taoba mapang SP lennirtem publicity materials nung enok aser ano sorkar indang welfare schemes dang ‘Samajwadi’ ta jaloktsü.
Prime Minister Narendra Modi-i aniba BJP-i Uttar Pradesh nung March 11 nü assembly menden 325 nung takok tulu ngua liasü.
Iba sülen UP Chief Minister inyaktsü atema Yogi Adityanath shim aser iba mapang pa den yariteptsü atema deputy CM ana shimtsü.