Yollow-i Mini Office Complex Chen lapoktsü

Dimapur, November 5 (TYO) : CAWD Parliamentary Secretary, Y.M Yollow Konyak-i November 4, 2016 nü Chen Town nung Mini Office Complex Chen lapoktsü.
Sentong nung o jembidang Yollow-i iba complex yangluba nung MLA tem, ketdangsertem aser public-i yaritepba atema pelaba metetdaktsü.
Iba ya sorkar indang kiojen ka lir anungji nübortemi iba kiojen kümzüka ayutsüla aser anepalutsüla. Asen loktiliba nung temelenshi bener arutsü atema asenok kati ka ajungmesoteptsüla, ta paisa ashi.
Sentong nung RD & REPA Minister, CL John-ia o jembidang ashiba agi, loktiliba renloka aobaji public daka keta lir, kechiyong sorkar kijai terenlok bener marutettsü.
Sentong nung mendenji SDO (Civil) Chen, Dr. Kuzonyi Wideo liasü aser Mon Deputy Commissioner, W. Honje Konyak-i okila jembi.
Tongti tesemdanger Yollow Konyak-isa KU sobaliba sentong aser KNSK Chen Unit Silver Jubilee nung aden asr pai KU aser KNSK Chen Unit tenzükertem aser tang teinyakdak pur nem tenüngsang agütsü.