Yonex Sunrise championship tenzükogo

Nagaland aser Mizoram senior team asaya noksa nung angur. (Ocotber, 10, 2018)
Nagaland aser Mizoram senior team asaya noksa nung angur. (Ocotber, 10, 2018)

Dimapur, Mongputeni/October 10 (TYO): Anogo pezü asayatsü aliba Yonex Sunrise North East Zone Inter- state badminton championship Rasemnü Dimapur nung tenzükogo.
Northeast state 8 nungi official dena asayar 152-i iba asayamung nung shilem agidar.
Team championship event nung Assam team senior aser junior category nung finals-i iogo. Senior semifinals asaya nung Assam team-i Mizoram team 3-0 agi straight set nung akok aser kasa mapang nung junior asaya nung Assam team-i 3-0 agi Nagaland team koka final-i iogo.
Junior aser senior category anaprongla nung Assam team Manipur den final asayatsü
Team championship final ya Yangtepnü 5:00 ako nungi tenzüka asayatsü aser kija asaya yangtepnü anepdang 9:00 ako nungi tenzüka asayatsü.

You must be logged in to post a comment Login