Younis-i ODI asayatsüren toktsütsü lemteter

Abu Dhabi, November 11 (Agencies): Pakistan batsman, Younis Khan-i One-Day International (ODI) asayatsüren toktsütsü lemtetba osang ka metetdaktsüogo.
“Abu Dhabi yimti nung ozü Pakistan tenüng nung England den 1 buba day-night international asaya nung tanü, Bodbar nü shilem agiba sülen ni ODI asayatsüren toktsütsü lemtetogo,” ta arishi küm 37 tain Younis-i metetdaktsü.
Taoba mapang, 2000 küm February ita Pakistan kübok Karachi yimti nung Sri Lanka den asayaba ODI nung mezüngsüa shilem agisang, Younis-i küm 16 shi nung tanü agi ODI asaya 265 buba nung shilem agir lir.
Pai tanü shilem agiba jakdang century 7 aser half-century 48 densema ajak agi runs 7,240 tashi yanglua lir.
Pa lenisüba kübok par Pakistan teloki England nung asayaba World Twenty20 (T20) takok marok 2009 küm agizükba sülen Younis-i T20 asayatsürena toktsüba osang jangjaogo.