Youth Commonwealth Games: Deepak Lather-i gold agizükgo

Apia, September 08 (Agencies): India nunger weightlifter, Deepak Lather-i tang tasayadak 5 buba Youth Commonwealth Games nung gold medal ka tanü Mongolbar nü agizükogo.
Deepak-i tebur temang touzük seret 62 taret shilem nung mezüngbuba jenjang ngua tanü gold medal-ji agizük.
Deepak-i snatch shilem nung seret 120 taret aser clean & jerk hilem nung seret 138 taret ajungketeta ajak agi seret 285 taret takok ngua ajungketa tanü takokbaji anguba den külemi, Commwealth asayamong indang otsü tasen ka yangla liasü.
India nunger weighlifter, Jamjang Deru-i yashi temang touzük seret 56 taret shilem indang gold agizükba densema Deepak-i tanü agizükbaji India-i tan asayamong nung gold tanabuba agizüker lir.
Külem sensopur, Velavan Senthilkumar-ia tebur squash shilem indang bronze medal ka tanü agizükba osang jangjaogo.
Velavan-i semifinal asaya nung Pakistan nunger Israr Ahamad madak takok mongutettsüa aküm saka pai tasembuba jenjang ngua bronze medal-ji agizük.
Tan asayamong nung India nungi asayar 25 tashi saisapong shilem 8 tashi nung tang shilem tagidak lir.