Youth Fest 2016 temogo; Tune Up Channel-i ‘Clash of Bands’ nung takok angu

Chungtiayimsen (Tzurang valley) nung ayongzüka amungba 2 buba Youth Fest 2016 nung ‘Clash of Bands’ takok angur- Tune Up Channel-i shilem agidang tangokba noksa angur.

Dimapur, December 20 (TYO) : Anogo ananü Tzurang valley (Mokokchung) Youth Fest 2016 Mongulbar nikongtsütsü kanga dang meraketa temogo.
Tatembang aonung Bollywood kentener aser tsüngsangertemi shilem agiba den ‘Clash of Bands’ tetoktepba agi.
Iba sentong nung Bollywood actor, Rajpal Yadav-i tetushi tejaoker ka ama shilem agi aser pai sabang nungi shilem agiba ajanga tesentepertem peladaktsü.
Nikongtsütsü sentong nung tongtipang shilemji ‘beat contest’ liasü aser iba tetoktepba nung kentener telok 6-i final atong. Telok shiai ken anana aten aser iba nung Tune Up Channel-i mezüngbuba jenjang takok angur Blue Fairy-i tanabuba jenjang angu.
Iba tetoktepba asoshi tetendangertemji Mongphuri, Lichen aser Tongdang nungertem liasü aser takoker nem sen 35,000 den kulikaket aser tanabuba jenjang angur nem sen 25,000 senpet agüja liasü.
Tanü anüngdang an tebong rara, arr atsütepba, mori chipo yangluba, akshi achiba, ken atenba amala tetoktepba balala agia liasü.
Sobaliba saisapong nung takok angurtem:
Traditional fire making – Maongkaba
Cock fight – Burchiba
Yodelling – Imtitula
Earthen pot making – Satsukba village
Folk fiddle – B Alemla Aier
Essay Competition – Pangerremla (Changdang village)
Tug-of-war – Satsukba village
Pork fat eating competition – Male: Watinungsang
Female : Temsuremla