Youth Olympic Games 2018: Weightlifter Jeremy Lalrinnunga-i mezüngbuba gold medal koktetogo

Jeremy-LalrinnungaMongputeni/October 9, 2018 (Agencies): Weightlifter Jeremy Lalrinnunga-i Youth Olympics nung India nunger atema mezüngbuba gold medal koktetogo. Pai men’s 62 kg category nung iba takok ngua liasü.
Tentonü aonung Argentine yimtiba nung Aizawl nungi arishiküm 15 tain asayar shiba world youth silver-medallist ka lir, pai yintem seret 274 (124 kg +150 kg) ajungketa temaba jenjang ajangtetogo.
Iba asaya nung silver medal ya Turkey nunger asayar Toptas Caner-i angu (122 kg + 141 kg=263), aser bronze medal Colombia nunger Villar Estiven Jose-i angu (115 kg + 143 kg=260 kg).
Kasa asayamung women’s 10m air-rifle shooting event nung Mehuli Ghosh-i silver medal ka koktetogo.
24buba aser tatembangbuba shot nung lai 9.1 akhaba ajanga lai point 248.0 dang angu aser tanabuba jenjang nung tembang. Iba asaya nung India nungeri khen danga gold medal kokteta mali.
Arishi küm 18 tain asaya ya Denmark tsür Stephanie Grundsoee (248.7) sülen tanabuba jenjang nung tembang.
Amungnü Shahu Mane-i silver anguba sülen shooting nung India nung atema Mehuli-i tanabuba silver medal koktetogo.
Qualifying round nung Mehuli-i point 628.8 nguteta temaba jenjang nung qualify asü.

You must be logged in to post a comment Login