Youtube nung ‘Shaandaar’ trailer vies million 5 jungogo

August 17, 2015: Actor Shahid Kapoor aser Alia Bhatt nati tongti shilem agiba film, ‘Shaandaar’ trailer repranger Youtube million 5 jungogo.

Iba romantic trailer sayaba sülen anogo tenet tsüngda iba osang prokshia nisung aikati reprangogo, aser telangzüba tajung agütsüogo.

Iba dak sentakba nung Alia-i la pelaba osang twitter ajanga la sapurtem den lemsatepogo.

Iba film ya kiyimla aliba tesem nungi kilometer aika pilar tanga nung kiyimba mezüng Bollywood film lir aser film nungsa Shahid chichiba tebu Pankaj Kapur-ia shilem agir.

‘Shaandaar’ film ya ‘Queen’ film direct asüsang Vikas Bahl-i direct asü aser co-producer temji Phantom Films, Dharma Productions aser Fox lir. Iba film ya October 22, 2015 nü sayatsü.