YR & S Department ketdangsertem den HIV & AIDS training agi

Youth Resources & Sports Department ketdangsertem training nung Youth Resources & Sports Director Mrs. Asangla Imti-i o jembidang agiba noksa angur.

Dimapur, August 29 (TYO) : August 24, 2016 nü Department of Youth Resources and Sports nung ketdangsertem atema HIV & AIDS sensitization & training ayongzüka agi.
Iba sentong ya Nagaland State AIDS Control Society aser Directorate of Youth Resources & Sports nati külemi ayongzük Directorate of Youth Resources & Sports, Kohima conference hall nung agi.
Sentong nung Department of Youth Resources & Sports Director, Asangla Imti-i tesentepertem pela agizükdang “nütsüng yongsük rongnung tongtipangtiba shilemji lanurtem lir” ta ashi.
Iba jagi Department-i HIV & AIDS anema raraba mapa nung shilem agir, ta lai shisem.
NSACS-i osang belenshitsü aser yaritepa mapa inyaktsüba Department of YR&S lir. Department of YR&S kübok telemsa trok lir aser itemjji NSS, NYKS, Bharat Scouts & Guides, NCC, aser Music Task Force. Item den yaritepa HIV & AIDS anema raraba mapa inyaktsüla, ta Asangla-isa ashi.
Training nung shisalen agütsürtemji, Dr. Bernice D. Thapru, Joint Director (TI) NSACS,  Dr. Mehokhu Zao, SMO, ART Plus Centre, NHAK, Mr. C. Theyo, State NSS Officer, Youth Resources and Sports; Ms. Metevinuo Sakhrie, Joint Director (IEC) NSACS aser Mr. Ainato Yeptho, Asst. Director (YA) NSACS nungertem liasü.
Training mapang Nagaland nung HIV tensa aser service balala indang onük, HIV & AIDS, stigma & discrimination indang basics, HIV & AIDS programme tongti süa inyaktsüba, HIV prevention & discussion aser HIV & AIDS indang Joint Working Group for Youth akangshitsü indang onüktem jembi.
Sentong nung nisung 42 aden aser parnok rongnung Directorate of YR&S ketdangsertem, discipline balala nung sports coach tem, NSS, NCC, Youth Resource ketdangsertem and Sports officials liasü. Iba sentong nung Dy. Director (MST), NSACS, Tarepnokcha Jamir-i anküp tepela o jembi.