YR&S Dept. puri FIFA World Cup live sayutsü

Dimapur, Aami (June) 12 (TYO): Dr. T. Ao sor küm 100 ajungba amungba nüngtem nung Department of Youth Resources & Sports aser District Administration sentepa FIFA Football World Cup 2018 tetenzükba sentong aser semi -finals o final asaya live sayutsü. Iba sentong ya Kohima, Dimapur aser Mon District Headquarters nung sayutsü.
Kohima – Khuochiezie
Dimapur- State Stadium (Badminton Hall)
Mon – Town Hall
Mokokchung- Imkongmeren sports complex
Football asaya meimer ajak dang iba maongka ya agia temalen shia aliba tesem tem nung oa asaya live angati agi reprangtsü asoshi ketdangsertemi metetdaktsüogo. Maneni asaya metenzük tsüngda asür Dr. T. Ao indang footage tem sayutsü. Iba sentong ya Youth Resources & Sports Department indang 100 days initiative action den tenchiteptsü.