YRS Director-i sangdonger

Kohima, April 24 (TYO): Astroturf aser Synthetic Tracks maintenance nung ajemdaker Youth Resources & Sports Director, Akumla Chuba-i, tournament mapang mesüra Department-i sentong balala agitsü atema mela ka mesüra IG Stadium telungi aitsü atema Department-i tenokdangba agütsütsüsa kümogo, ta metetdaktsü.
Telok mesüra nijai stadium-i maotsüla, talisa Honibar aser Deobar anogotem nung stadium-i picnic aotsü memelar; kuli tejangja makai nisung kari danga stadium nung nemzüra senchi sen 500 achitsü, ta kasa osang ajanga metetdaktsü.
IG Stadium amshitsüsa kümra Administrator IG Stadium den phone number 7005281845 ajanga mesüra Directorate den tongteprateptsüla, ta kasa osang ajanga metetdaktsü.