YRS-i ‘Run for Unity’ omen nung Rashtriya Ekta Diwas among

Kohima, Mongputeni/October 31 (TYO): Nagaland sorkar tetuyuba nung ajemdaker October 31, 2019 nü Department of Youth Resources & Sports-i ‘Run for Unity’ omen nung ajemdaker ‘National Unity Day’ (Rashtriya Ekta Diwas) mongogo, ta ketdangsertem osang ka ajanga metetdaktsü.
Run for unity sentong ya Principal Secretary, Home, Abhijit Sinha-i tenzüktsü aser iba sentong nung Kohima Deputy Commissioner, Secretary YRS, Director YRS, ketadangsertem aser coach tem dena liasü.
Iba sentong nung NSS aser IG Sports Academy nungi kaketshir aikati shilem agia asemtepa liasü. Iba sentong ya anepdang 6:00 ako nung PHQ junction nung tenzük aser Kohima Local ground nung tembang.
Iba sentong nung shilem agiba aser adenba atema Director YRS, Akumla Chuba-i ketadangsertem aser coaches den külemi Academy aser college balala nungi shilem agir ajak dang pelaba lemsatepogo.