Yuki Bhambri-i Pune ATP Challenger takok marok agizüker

Pune, October 31 (Agencies): India nunger tennis asayar, Yuki Bhambri-i final asaya koka Pune ATP Challenger takok marok tanü Honibar nü agizükogo.
Yuki-i tanü points 6-2, 7-6(4) ngua tan asayamong nung tanabuba jenjang abensang, Russia nunger Evgeny Donskoy final asaya nung tsükdaktsü.
Alima tennis asayar tarensen nung 105 buba jenjang abensang, Yuki-i tan takok anguba sülen points 80 tashi ngua top-100 nung densemtsü jenjanga nguogo.
Yuki-i tan takok anguba ya pai tennis asayatsü tenzüker tanü tashi nung Challenger jenjang nung takok marok 5 buba agizüker lir.
Yuki-i Thailand nung asayatsü ayongba Hua Hin Open nung maneni shilem agitsü renema lir.