Yuki Bhambri Pune ATP Challenger Final-i iogo

Pune, October 30 (Agencies): India nunger tennis asayar, Yuki Bhambri-i Britain nunger James Ward madak semifinal asaya koka tang tasayadak Pune ATP Challenger asayamong final asayatsü tenzük tanü Hokolbar nü nguogo.
Taoba hopta Bangalore Challenger takok marok agizüksang, Yuki-i tanü points 7-6 (6), 6-3 ngua Ward tsükdaktsü.
Tan final asayatsü jenjang anguba ya densema, Yuki-i taküm küm tenzüker tanü tashi nung asayamong 5 buba indang final nung shilem agitsü jenjang angur lir.
Yuki-i külem sensopur, Alexander Kudryavtsev madak points 6-4, 4-6, 6-4 agi mezüngbuba semifinal asaya akoksang, Russia nunger Evgeny Donskoy den final nung ajuruteptsü.