Yuki Bhambri Shanghai Challenger semifinal-i iogo

Shanghai, September 11 (Agencies): India nunger tennis asayar, Yuki Bhambri-i quarterfinal asaya akokba sülen tang Shanghai nung tasayadak ATP Challenger asayamong tebur singles shilem indang semifinal asayatsü jenjang tanü Hokolbar nü nguogo.
Tan asayamong nung 4 buba jenjang abensang, Yuki-i tanü ghonda 1 ser minute 11 nung points 6-2 6-2 ngua Australia nunger Jordan Thompson madak takok angu.
Tan asayamong nung set ka nung danga tamakok ajurua malisang, Yuki-i tanü breakpoint 2 tashi ajangzüka takokbaji angu.
Arishi küm 23 tain Yuki-i Russia nunger Daniil Medvedev den semifinal asayatsü lemzüka lir.