Yuki Vancouver Singles semi aser Doubles final-i iogo

Vancouver, August 22 (Agencies): India nunger badminton asayar, Yuki Bhambri-i Uzbekistan nunger Farrukh Dustov madak takok ngua tang Vancouver nung tasayadak Odlum Brown Vanopen asayamong singles shilem indang semifinal asayatsü jenjang nguogo.
Yuki-i Israel nunger Dudi Sela den semifinal asayatsü lemzüka lir.
Yuki-i kasa asayamong indang tebur doubles shilem final asayatsü jenjanga nguogo.
Arishi küm 23 tain Yuki-i ghonda 1 ser minute 29 nung points 6-4, 6-4 ngua Farrukh quarterfinal asaya nung tsükdaktsü.
Tesülen, Yuki aser pa den külemi asayasang, New Zealand nunger Michael Venus nati semifinal asaya nung walkerover tajangzük ngua final nung shilem agitsü jenjang anguba osang jangjaogo.
Tena den semifinal asayatsü lemzüker, Marius Copil aser Jurgen Melzer nati semifinal nung shilem magitetsüsa akümba yong Yuki o Michael nati final asayatsü jenjangji ayong ayonga angu.
Melzer tapubang yiruba yong Copil tenati semifinal nung shilem magitettsüsa aküm.