Yuvraj aser Hazel Keech na kibong akümtsü

New Delhi, November 12, 2016 : Asenok ajaki India nunger cricket asayar Yuvraj Singh aser actress Hazel Keech na mapang tatsüka medemba osang angashiogo aser tena memunui kibong akümtsü sentong lir.
Tena taruba ita nungbosa kibong akümtsü.
Kibong akümtsü anogo shimtetogo aser tena Goa nung kiyim kuli agitsü.
Bollywood Life dangi aruba osang ka ajanga ashiba agi, “Hazel aser Yuvi na December 03 mesüra 04, 2016 nü Goa nung kiyim kuli agitsü. Ibaji masüdang ‘sangeet’ aser ‘mehendi’ sentongtem Yuraj’er aliba Chandigarh, Punjab jila nung agitsü.
Item sentong nung kanga anasatepa medemertem aser kinungertem tang jaoktsü aser iba sülen tananü Goa-i lua yangji kiyim kuli agitsü.
Tena kiyim kuli agiba sülen Mumbai nung atua reception tuluka ayonga amungtsü aser iba sentong nung Bollywood aser cricket star tem ajak jaoktsü. Iba bejongji kangsa tuluka asütsü imlar.
Aji oda süaka Yuvraj mesüra Hazel na rongnung shingaia iba osang ano official süa memetetdaktsü.