Yuvraj Singh aser Hazel Keech na Nach Baliye 8 nung shilem agitsü akok

March 22, 2017 (Agencies): Cricketer Yuvraj Singh aser kinüngtsü Hazel Keech na taruba ‘Nach Baliye 8’ tsüngsang sentong nung shilem agitsü asoshi sentong ayongertemi tongtepogo.
‘Celebrity couple’ tem parnok indang tsüngsang yimya sayua parnok o parnok na toktepba sentong nung cricketer aser pa kinungtsü na iba sentong nung ‘wild card’ ajanga aitsü, ta osang ka ajanga metetdaktsü.
Iba channel den kanga junga sendaktepa aliba osang ka ajanga ashiba agi, “Yuvraj Singh aser Hazel Keech na iba sentong nung ‘wild card contestant’ ama shilem agitsü asoshi sentong ayongertemi tongtepogo. ‘Creative team’-i pa den tang tejembidak lir, aser Yuvraj den iba sentong tangoktsüba anogo lemtettsüba danga anunga lir. Iba anogoji lemtettetra dena sentong tenzüker tanabuba hopta nungbo ‘wild card’ shilem agir ama iba sentongi aittsü.”
Yaküm November ita dena kibong akümba sentong Chandigarh aser Goa nung agiba osangkakettem balala nung kanga nüngtugu süa adoka liasü. Yuvraj tsüngsangba yimya ajungbaji ajaki meteta lir aser ‘Sangeet video’ nung külem asayar aser Indian cricket team, captain Virat Kohli den tsüngsangba social media balala ajanga prokshia liasü.
Hazel ‘Bodyguard’ film nung shilem agiba ajanga ajaki tali jangja aküm. Maneni lai kanga junga tsüngsangba ajaki jangja meteta lir, yamaji dena senteper sentong nung shilem tajung agitsü asoshi imlaa atadar.
‘Nach Baliye 8’ nung ‘celebrity’ shilem agitsüpurtem TV actor Dipika Kakkar- Shoaib Ibrahim, Sanam Johar-Abigail Pande, Bharti Singh aser kinungtsü nunger iba sentong nung shilem agitsü. Parnok rongnung karbo tsüngsangtsü asoshi angazüker aliba nisungtema lir. Yuvraj aser Hazel nati iba amala sentong ka nung shilem agiba reprangtsüji jangratemtsüka asütsü.